السلام عليكم..
كيفكم ان شاء الله بخير..
انا ملاحظة هالايام كل من هب ودب صاير يصور..
ويسوي بروفايلات وشغالين تنزيل بهالصور..
لدرجة احس ان ادارة موقع فليكر بيقفلون.. لان حامت كبودهم من الصور المتخلفة..
وعلى فكرة هالناس.. يشترون اغلى الكاميرات..!!!
اللي هي الكاميرات الاحترافية كانون ونيكون وغيرها الكثيييييير..
طبعا انا ما اقصد الصغيرة ..
لا لا
اقصد كاميرا احترافية كبيرة الحجم واللي عدستها ثقيله ..
وتراها على فكرة غاليه السعر..
يعني خوذوني مثال عندكم.. لي كم يوم ماسكة صيحتي لان ودي اشتري كاميرا بسس للاسف قيمتها مع العدسة 5000 ريااال
:(
يعني بالله عليكم متخيلين مصاريف الفشخرة.. اللي ناس يدفعونها..!!!!!
وياليت تصويرهم حلووو..
للاسف :(
طفشونا بصورهم بستار بوكس.. هم واكوابهم الورق مدري بلاستيك.. خخخخ
ولا صور بزرانكم اللي حتى مو ثابت التصوير..
ولاصور جزمكم وشناطكم..
وفي ناس يشترون علشان .. ليه فلانه عندها وانا مو عندي.. !!!!!
وعلى فكرة... الجنس الناعم هم اللي طايحين فيها ولا العيال تحسون انهم محترمين شوي بخصوص التصوير..
قصة:
وحدة باحد المنتديات .. تسال تقول بليز ابغى اشتري كاميرا بروفيشنال بس محتارة ايش اخذ..؟؟
سالها واحد.. انتي ايش نوع التصوير اللي تحبينه..؟
قالت والله ماعرف شي فيها..<<<< !!!!!!!!!!!!
بس ابغى اصور فيها الاطفال يعني صور عائليه.. <<<<<< محششه..!!
احلى شي جا رد عليها: قال حرام ياختي تشترين كبيرة.. اشتري لك الديجيتال الصغيرة..وقالها كلام كثير
ودار بينهم حوار.. طويل بس انا ما اذكر الاهذا..
يعني الحين يدفعون الاف مؤلفه على الفاااااااضي..
على الاقل تصدقوا بنص المبلغ لي.. تراي والله اعرف اصور..<<< هههههه
وفوق هذا كله.. مايعرفون شي بالكاميرات اللي يشترونها..!!!
يعني بس يضغطون زر التصوير .. هذا حدهم..!!!!
يعني ماعليش مع احترامي ... وصحيح الكل حر بفلوسه
بس هذا يسمونه تبذيييييييييير.. لان الكام البدي من دون عدسة تكلف... فكيف مع عدسات وغير الشنطة..
حرام وربي..
على الاقل اهدوها لاحد <<<< ما اقصد نفسي ابد هههههه
ما اقول الا الله يعينكم ياشركة كانون ونيكون.. لااا
ليه الله يعين..
الا اقول ياحظكم بالمهابيل ههههههههههههه
والله انكم حصلتو ملايين الملايين من ورا التخلف اللي صاير..
وفي شي ثاني بعد قاهرني..
تاثير الفوتوشوب على الصور..
ياناس ترا افلقتونا بصوركم اللي عليها تاثير التعتيق وتغيير الالوان بزعمكم انها حلوة الحين.. هههههههه
ياحبايبي.. التصوير الصح .. يحتاج فقط لتعديل شي بسيط بالفوتوشوب
مب مثلكم قلبتو الصورة فوق تحت..
وعلى فكرة من دون التاثير صوركم ولا شي...!!!
ماعليش انصدمو احسن من يجي احد يخليكم مخفات يمدح في صوركم وهي مو حلوة..
قصة:
وحدة تقرب لي من بعيد سوت لها بروفايل بفليكر.. وعطتني الرابط وتفرجت .. وتسالني هاه وش رايك ببروفايلي..؟؟؟
رديت عليها من دون لف ودوران : قلت لها لاتزعلين مني.. بقولك كلام يمكن اول مرة تسمعينه بس بصراحة صورك عادية جدا واقل من عادية واللي محليها تاثيرات الفوتوشوب..
تتوقعون زعلت..!!؟؟!؟؟ ( مابيني وبينها علاقة قوية )
ردت وقالت: انتي اول وحدة تقولي كذا..!!! وشرحت لها بعض الاشياء..
وربي انها تشكرتني.. وقالت لي ياليتني سالتك من زمان ولا صرت مخفات عند اهلي وصديقاتي..
احيانا الواحد لازم يكون صريح .. ممكن الصراحة تكون قوية.. لكن تعرف الحين ولا تعرف بعدين :)
مايستفاد:
1- اذا ماتعرف تصور او تصورين لاتشتري كاميرا احترافية بقيمة عالية جدا.. لان محد خسران الا انت..
2- واذا بغيت تشتري اشتر على قد احتياجك فكاميرات الديجيتال الصغيرة تفي بالغرض..
3- لما احد يسالك عن شي قل رايك بصراحة.. لان الصراحة اجمل بكثير من المجاملات اللي موديتنا بستين داهيه !!
<<<<< طبعا قولو الصراحة باسلوب حلو مو بدفاشة.. :)
4- اذا عندك فلوس و ناوي او ناوية تفسفسينها الله لايعوق بشر وتعرفين احد يعرف يصور .. اشتر له هدية كام بروف.
<<<<< ابدا ولا كانها تقصد احد.. هههههههههههههه
وتحياتي للمصورين الاحترافيين.. واللي اعرف منهم الكثير.. واقول يعطيكم العافية..
ولاتزعلون بس هذا اللي بقلبي وهذا رايي.. :)
كفارة المجلس: سبحانك اللهم وبحمدك اشهد ان لا اله الا انت استغفرك واتوب اليك..
ليست هناك تعليقات:
إرسال تعليق